knits.by.linda
Tópas - hneppt barnapeysa
Ekki tókst að hlaða framboði á afhendingum
Mig hefur lengi langað að gera uppskrift að hnepptri peysu sem passar fyrir öll börn, er einföld og stílhrein en gaman að poppa upp td.með glitþræði fyrir þá sem það vilja. Peysan er prjónuð ofan frá og niður, fram og til baka með hringútaukningum og mynstri á berustykki. Mynstrið er eingöngu samsett úr sléttum og brugðnum lykkjum. Ég mæli með að lesa yfir uppskriftina í heild áður en þú byrjar.
Stærðir: 6–9 mán (1 árs) 2 ára (3 ára) 4 ára (5 ára) 6 ára (7-8 ára).
Yfirvídd: ca. 54 (57) 62 (67) 70 (73) 76 (80) cm.
Garn: Merinocot frá Lana Gatto (50 g = 125 m). Fæst hjá Prjónahorninu í Hafnarfirði. Ef glitþráður er notaður með í mynstur (sem er algjörlega valkvætt) þá mæli ég með Kremke Stellaris (25 g = 560 m) sem fæst hjá Garn í gangi, hann er það fínn að hann hefur engin áhrif á prjónfestuna þótt hann sé prjónaður með aðalþræði.
Garnmagn: 150 (200) 200 (200) 250 (250) 300 (350) g.
Prjónar: 4 mm hringprjónar og sokkaprjónar, 3,5 mm hringprjónar og sokkaprjónar í stroff og tölu- og hnappagatalista.
Prjónfesta: 22/10 (22 lykkjur á 10 cm) slétt prjón á 4 mm prjóna.
Tölur: 5 (5) 6 (6) 7 (7) 7 (8) stk.
Allar uppskriftir eru sendar rafrænt (PDF) á uppgefið netfang þegar greiðsla hefur verið framkvæmd. Hægt er að hlaða skjalinu niður 3 sinnum áður en hlekkurinn verður óvirkur. Ég mæli með að vista uppskriftina á góðum stað.
