knits.by.linda
Tindur barnapeysa
Ekki tókst að hlaða framboði á afhendingum
Tindur barnapeysa er í mínum huga skíðaleg – eins og ég hugsa um gamlar skíðapeysur frá því á 7. og 8. áratug síðustu aldar með nútímalegu ívafi. Hlý og kósý fyrir útivistina og notaleg í kakóið eftir útiveruna. Peysan er prjónuð ofan frá og niður, með hringútaukningum á berustykki. Skemmtilegt mynstur þar sem notaðir eru 3 mynsturlitir auk aðallits. Ég sé fyrir mér að það sé hægt að nota allt frá þremur litatónum í gulum, grænum, bláum eða rauðum nú eða brúnum tónum eins og á myndinni eða bara hreinlega alla litríku afgangana sem leynast í skúffunni. Ég mæli með að lesa yfir uppskriftina í heild áður en þú byrjar.
Stærðir: 1 árs (2 ára) 3 ára (4 ára) 5 ára (6 ára) 8 ára (10 ára).
Yfirvídd: ca. 67 (69) 73 (76) 80 (84) 89 (91) cm.
Garn: Peruvian highland frá Filcolana. Fæst hjá Garn í gangi á Akureyri. Garnmagn:
Aðallitur: 150 (150) 150 (200) 200 (200) 250 (300) g. Litur á mynd 977 (Marzipan).
Mynsturlitur 1: 50 (50) 50 (50) 50 (50) 50 (50) g. Litur á mynd 364 (Chai).
Mynsturlitur 2: 50 (50) 50 (50) 50 (50) 100 (100) g. Litur á mynd 282 (Bark).
Mynsturlitur 3: 50 (50) 50 (50) 50 (50) 50 (50) g. Litur á mynd 241 (Chestnut).
Prjónar: 5 mm hringprjónar og sokkaprjónar.
Prjónfesta: 18/10 slétt prjón (18 lykkjur á 10 cm) á 5 mm prjóna.
Allar uppskriftir eru sendar rafrænt (PDF) á uppgefið netfang þegar greiðsla hefur verið framkvæmd. Hægt er að hlaða skjalinu niður 3 sinnum áður en hlekkurinn verður óvirkur. Ég mæli með að vista uppskriftina á góðum stað.
