Stína fína - peysa

Hugmyndin af Stínu fínu kom til mín nánast fullmótuð þegar mér datt í hug að gera fínlega og sparilega peysu sem væri sæt við bæði pils og buxur. Vinnuheitið á henni var til að byrja með Sparipeysan en svo braust Stína fína fram og þá var ekki aftur snúið. Peysan er prjónuð ofan frá og niður, með laskaútaukningum og mynstri á búk neðan erma. Berustykki og ermar eru slétt en á búk er fínlegt gatamynstur. Í fyrstu er peysan prjónuð fram og til baka en síðan er tengt í hring.  Ég mæli með að lesa yfir uppskriftina í heild áður en þú byrjar. 

Stærðir: 3 mán (6 mán) 1 árs (2 ára) 3 ára (4 ára) 6 ára (8 ára)
Garn: Merinoull frá Knitting for Olive (50 g = 250 m).
Garnmagn: 100 (100) 150 (150) 150 (200) 200 (200) g.
Prjónar: Hringprjónar og sokkaprjónar nr 3. Heklunál nr. 2,5 til að hekla lykkju í hálsmáli.
Prjónfesta: 28/10 slétt prjón á prjóna nr 3.
Yfirvídd: ca. 43 (46) 51 (54) 57 (63) 66 (69) cm. Yfirvíddin er miðuð við prjónfestu 28/10 af sléttu prjóni og mæld rétt fyrir neðan ermar, áður en við byrjum á mynstri á bol.
Tölur: 1 stk fyrir allar stærðir.

Allar uppskriftir eru sendar rafrænt (PDF) á uppgefið netfang þegar greiðsla hefur verið framkvæmd. Hægt er að hlaða skjalinu niður 3 sinnum áður en hlekkurinn verður óvirkur. Ég mæli með að vista uppskriftina á góðum stað.