knits.by.linda
Sparipeysan
Ekki tókst að hlaða framboði á afhendingum
Ég er búin að hugsa um sparilega peysu í þó nokkurn tíma og var alveg með það á heilanum að nota glitþráð, fannst það eitthvað svo hressandi en samt fínlegt. Þessi uppskrift er búin að taka ýmsum breytingum frá upphaflegu formi en þannig bara þróast oft bestu hugmyndirnar. Peysan er prjónuð ofan frá og niður, í hring með þremur þráðum en alltaf bara tveimur í einu. Stuttar ermar og glitþráður í mynsturröndum. Sniðið er frekar þröngt og stutt. Ég mæli með að lesa yfir uppskriftina í heild áður en þú byrjar.
Stærðir: XS (S) M (L) XL (2XL) 3XL (4XL)
Garn: Peysan er prjónuð úr þremur þráðum, en bara tveimur saman í einu.
Í fyrsta lagi Coast frá Holst (50 g = 350 m) sem er notaður í alla peysuna og síðan Titicaca frá Holst (50 g = 400 m) og Stellaris glitþræði frá Kremke (25 g = 560 m) sem skipst er á að nota og skýrist í texta. Þetta garn fæst allt hjá Garn í gangi á Akureyri.
Garnmagn: 100 (150) 150 (150) 150 (200) 200 (200) g af Coast,
50 (50) 50 (100) 100 (100) 100 (100) g af Titicaca og
25 (25) 25 (25) 25 (25) 25 (25) g af Stellaris.
Prjónar: 4,5 mm og 5 mm hringprjónar og sokkaprjónar.
Prjónfesta: 22/10 slétt prjón á 4,5 mm prjóna með tveimur þráðum saman (Coast og Titicaca). 22/10 slétt prjón á 5 mm prjóna með tveimur þráðum saman (Coast og Stellaris).
Yfirvídd: ca. 91 (96) 104 (109) 116 (122) 129 (135) cm.
Allar uppskriftir eru sendar rafrænt (PDF) á uppgefið netfang þegar greiðsla hefur verið framkvæmd. Hægt er að hlaða skjalinu niður 3 sinnum áður en hlekkurinn verður óvirkur. Ég mæli með að vista uppskriftina á góðum stað.
