Snæfinnur - jólahúfa

Í fyrra fékk ég þá flugu í höfuðið að prjóna jólahúfur fyrir systurbörnin mín þrjú, teiknaði upp mynstur og mótaði hugmyndina en var einhvern veginn of sein að byrja fyrir jólin þannig að uppskriftin dagaði bara uppi hjá mér. Ég tók mynstrið svo fram núna á dögunum og prjónaði húfur eins og vindurinn, svo auðvelt og skemmtilegt verkefni. Snæfinnur er með krúttlegu snjókarlamynstri, lagi eins og á jólasveinahúfu og sætum skúf. Það er tilvalið að nota afganga í mynstrið því það þarf ekki mikið, sérstaklega af mynsturlit 2 og svo er auðvitað hægt að bæta við litum ef vill. Ég mæli með að lesa uppskriftina yfir áður en þú byrjar. 

Stærðir:  6 – 18 mán (2 – 4 ára)  5 – 8 ára  (9 – 12 ára).
Mál: ca. 19 (21) 23 (25) cm, mælt þvert yfir flata húfu rétt fyrir neðan eða ofan mynstur.
Garn: Pernilla frá Filcolana (50 g = 175 m). Fæst td. hjá Garn í gangi.  
Prjónar: 4 mm hringprjónar og sokkaprjónar. 
Prjónfesta: 24/10 slétt prjón með einum lit.
Garnmagn: 50 (50) 100 (100) g af aðallit og 50 (50) 50 (50) g af mynsturlit/um sem getur verið sá sami eða sambland af mörgum.

Allar uppskriftir eru sendar rafrænt (PDF) á uppgefið netfang þegar greiðsla hefur verið framkvæmd. Hægt er að hlaða skjalinu niður 3 sinnum áður en hlekkurinn verður óvirkur. Ég mæli með að vista uppskriftina á góðum stað.