knits.by.linda
Lyng no.2 peysa
Ekki tókst að hlaða framboði á afhendingum
Stundum vefja hugmyndir upp á sig. Það sem var í fyrstu hugmynd af dömupeysu (Lyng no.1) þróaðist út í barnapeysuna Lyng no. 2, sem er með sama mynstrinu, og nú geta mömmur og börn verið í stíl. Hver veit nema það verði svo eitthvað fleira. Peysan er prjónuð ofan frá og niður, með laskaútaukningu og mynstri á berustykki sem er samsett úr einföldum endurtekningum og aðeins eru notaðir tveir litir í einu. Ég mæli með að lesa uppskriftina yfir áður en þú byrjar.
Stærðir: 1 árs (2 ára) 3 ára (4 ára) 5 ára (6 ára) 8 ára (10 ára) 12 ára
Yfirvídd: ca. 64 (69) 73 (76) 78 (82) 84 (89) 93 cm
Garn: Filcolana Peruvian Highland wool (50 g = 100 m).
Garnmagn: Aðallitur (200) 200 (200) 250 (250) 250 (250) 300 (350) 400 g. Mynsturlitur 1 50 g allar stærðir.
Mynsturlitur 2 50 g allar stærðir.
Mynsturlitur 3 50 g allar stærðir.
Prjónar: hringprjónar og sokkaprjónar nr 5.
Prjónfesta: 18/10 slétt prjón á prjóna nr. 5. Athugið að þegar prjónað er með fleiri en einum lit getur það skekkt prjónfestuna, flestir prjóna þéttar þannig og mögum finnst því gott að prjóna mynstur með 1⁄2 númeri stærri prjónum. Hér finnur hver fyrir sig hvað hentar best.
Allar uppskriftir eru sendar rafrænt (PDF) á uppgefið netfang þegar greiðsla hefur verið framkvæmd. Hægt er að hlaða skjalinu niður 3 sinnum áður en hlekkurinn verður óvirkur. Ég mæli með að vista uppskriftina á góðum stað.
