Gormur peysa

Þessi peysa er búin að vera lengi í vinnslu, þvælast fram og aftur í hausnum á mér og ég er búin að rekja upp og byrja aftur margoft til að fá hana fullkomlega eins og ég sá hana fyrir mér. Ég er líka búin að prófa nokkrar mismunandi tegundir af garni og sveiflast til og frá með alls konar hugmyndir. En hér er hún tilbúin, með öðruvísi hálsmáli en gengur og gerist svokölluðum sjal kraga (e. Shawl collar).

Peysan er prjónuð ofan frá og niður, fyrst fram og til baka og þannig mótum við v- hálsmálið á henni, en síðan er prjónað í hring. Einfalt mynstur á bol sem samanstendur af sléttum og brugðnum lykkjum. Ég mæli með að lesa uppskriftina yfir í heild áður en þú byrjar.