knits.by.linda
Skipperinn peysa
Venjulegt verð
1.050 ISK
Venjulegt verð
Söluverð
1.050 ISK
Einingaverð
á
Ekki tókst að hlaða framboði á afhendingum
Skipperinn er herrapeysa í duggarastíl með áhrifum frá Guernsey. Prjónuð ofan frá og niður með laskaútaukningum. Einlit en mynstruð og mynstur samanstendur eingöngu af sléttum og brugðunum lykkjum. Ég var búin að vera með þessa peysu í huganum í þó nokkurn tíma og þegar kom að því að gefa henni nafn kom ekkert annað en Skipperinn til greina, bæði vegna þess að hún er í anda gamalla peysa eins og margir sjómenn notuðu og því að afi minn var skipstjóri og hjá ömmu og afa var alltaf borðaður kvöldmatur á ́skipper time‘ eða kl. 18. Skipper er orð sem okkur í fjölskyldunni þykir afar vænt um enda var afi Skipperinn með stóru Essi.
Ég mæli með að lesa uppskriftina yfir í heild áður en þið byrjið – hún þarfnast athygli þar sem hún er eitt stórt mynstur.
Stærðir: XS (S) M (L) XL (XXL)
Yfirvídd: ca. 100 (105) 111 (117) 122 (128) cm
Garn: Filcolana Peruvian Highland wool (50 g = 100 m).
Garnmagn: 550 (600) 650 (700) 750 (800) g.
Prjónar: hringprjónar og sokkaprjónar nr 5.
Prjónfesta: 18/10 slétt prjón.
Allar uppskriftir eru sendar rafrænt (PDF) á uppgefið netfang þegar greiðsla hefur verið framkvæmd. Hægt er að hlaða skjalinu niður 3 sinnum áður en hlekkurinn verður óvirkur. Ég mæli með að vista uppskriftina á góðum stað.
