Litli skipperinn húfa no. 2

Frá því Litli skipperinn kom út þá hafa mér borist reglulega beiðnir um að gera húfu í stíl. Ég er búin að vera með það á bak við eyrað mjög lengi og hér er hún loksins tilbúin. Mynstrið sem er frekar einfalt, samanstendur aðeins af sléttum og brugðum lykkjum. Svo er ykkar að velja hvort þið setjið dúsk á eða ekki. Ég mæli með að lesa uppskriftina yfir áður en þið byrjið.

Stærðir: 1 – 2 ára (3 – 4 ára) 5 ára  (6 – 7 ára) 8 - 10 ára (12 ára) 
Garn: Peruvian Highland frá Filcolana. Fæst hjá Garn í gangi á Akureyri og Maro.
Garnmagn: 50 (50) 100 (100) 100 (100) g.
Prjónar: 5 mm lítill hringprjónn og/eða sokkaprjónar. 
Ummál: ca. 36 (39) 42 (44) 47 (50) cm.
Prjónfesta: 18/10, slétt prjón á 5 mm prjóna en athugið að endurtekið prjón með sléttum og brugðnum lykkjum getur skekkt prjónfestuna aðeins.

Allar uppskriftir eru sendar rafrænt (PDF) á uppgefið netfang þegar greiðsla hefur verið framkvæmd. Hægt er að hlaða skjalinu niður 3 sinnum áður en hlekkurinn verður óvirkur. Ég mæli með að vista uppskriftina á góðum stað.