Lerki húfa

Lerki húfan er krúttleg og þægileg húfa, með sætum eyrum og sama mynstri og er á Lerki línunni. Minni stærðirnar eru með eyrnaskjólum. Mynstrið, sem kallast tvöfalt Andalúsíuprjón, samanstendur aðeins af sléttum og brugðum lykkjum. Mynstrið sem er frekar einfalt er síendurtekið og myndar skemmtilega heild. Ég mæli með að lesa uppskriftina yfir áður en þið byrjið.

Stærðir: 0–3 mán (3–6 mán) 6–9 mán (9–12 mán) 12–18 mán (2 ára) 3 ára (4 ára) 5 ára
Garn: Merino 120 frá LANG. (50 g = 120 m).
LANG garnið fæst hjá Garn í gangi á Akureyri. Einnig er hægt að nota t.d. Duo frá Sandnes, Lerke frá Dale og Merino extra fine frá Drops sem hafa öll svipaða prjónfestu. Athugið bara að það getur verið misjafn metrafjöldi á 50 g dokkum.
Garnmagn: 50 (50) 50 (50) 100 (100) 100 (100) 100 g.
Prjónar: hringprjónar og sokkaprjónar nr. 4. Gott að nota prjóna nr. 3/3,5 í snúrur á minni stærðum.
Ummál: ca. 27 (30) 33 (35) 38 (41) 44 (46) 49 cm.
Prjónfesta: 22/10, slétt prjón á prjóna nr. 4 en athugið að endurtekið prjón með sléttum og brugðnum lykkjum getur skekkt prjónfestuna aðeins.

Allar uppskriftir eru sendar rafrænt (PDF) á uppgefið netfang þegar greiðsla hefur verið framkvæmd. Hægt er að hlaða skjalinu niður 3 sinnum áður en hlekkurinn verður óvirkur. Ég mæli með að vista uppskriftina á góðum stað.