knits.by.linda
Lerki buxur
Ekki tókst að hlaða framboði á afhendingum
Lerki buxurnar eru hluti af Lerki línunni sem byrjaði með einum heilgalla, þegar vinkona mín bað mig um að prjóna heimferðarsett fyrir komandi ömmubarn. Síðan urðu peysan, buxurnar og tvær húfur til. Buxurnar eru prjónaðar ofan frá og niður, með samfelldu mynstri. Upphækkun, með mynstri, að aftan fyrir litla bossa. Buxurnar eru með tvöföldu stroffi sem er prjónað niður og bandi í mittið. Skálmar eru beinar og teknar saman í stroff að neðan. Mynstrið, sem kallast tvöfalt Andalúsíuprjón, samanstendur aðeins af sléttum og brugðum lykkjum. Það er frekar einfalt, er síendurtekið og myndar þannig skemmtilega heild. Ég mæli með að lesa uppskriftina yfir áður en þið byrjið.
Stærðir: 0–3 mán (3–6 mán) 6–9 mán (9–12 mán) 12–18 mán (2 ára) 3 ára (4 ára) 5 ára
Yfirvídd: ca. 46 (49) 52 (55) 57 (63) 68 (74) 79 cm.
Garn: Merino 120 frá LANG. (50 g = 120 m).
LANG garnið fæst hjá Garn í gangi á Akureyri. Einnig er hægt að nota t.d. Duo frá Sandnes, Lerke frá Dale og Merino extra fine frá Drops sem hafa öll svipaða prjónfestu. Athugið bara að það getur verið misjafn metrafjöldi á 50 g dokkum.
Garnmagn: 150 (150) 200 (200) 200 (250) 300 (300) 350 g.
Prjónar: hringprjónar og sokkaprjónar nr. 4. Prjónar nr. 3/3,5 fyrir snúru.
Prjónfesta: 22/10, slétt prjón á prjóna nr. 4 en athugið að endurtekið prjón með sléttum og brugðnum lykkjum getur skekkt prjónfestuna aðeins.
Allar uppskriftir eru sendar rafrænt (PDF) á uppgefið netfang þegar greiðsla hefur verið framkvæmd. Hægt er að hlaða skjalinu niður 3 sinnum áður en hlekkurinn verður óvirkur. Ég mæli með að vista uppskriftina á góðum stað.
